其實媽媽一路都有講我聽結婚除咗夫妻關係要好之外，同奶奶嘅關係亦都要好。要知道關係唔好，老公夾係中間非常辛苦，做太太嘅就要多處忍讓，要同老公分擔，唔好製造問題，退一步海闊天空。
我知道好多人同奶奶嘅關係唔係咁好，所以我好慶幸有個非常好嘅未來奶奶！同Alan拍拖一開始就知道未來奶奶係一個乜都無乜所謂嘅人。佢又唔謙我大小姐乜都唔做
成日叫我去佢屋企食飯，又唔使要我幫手 (我有試過想幫佢手，但佢唔俾攞!) 早咗去的話就叫我去佢間房度訓下，有飯食就叫我。食完就 "mit" 橙俾我食，走嘅時侯就一袋二袋叫我帶返屋企慢慢食。成日打電話俾我問我近況，如果我同Alan閙交，佢又幫我閙佢，好鬼正
。
未來奶奶成日煮補湯俾我飲，最重要嘅係佢特登坐巴士攞到我屋企俾我飲！黎到嘅時侯，佢仲好鍾意同我媽咪執屋，好鬼搞笑。三年幾以來，佢都係咁樣對我。雖然佢係非常長氣同守舊嘅人，但係咁好嘅奶奶我知道我今生今世都揾唔到個更加好嘅奶奶
免費既野要求唔可以咁高架啦 哈哈!
