{Week 39} 大肚婆鍾意亂諗野

第39週
時間過得好快，
預產期(10月26日)就係下星期咋!

呢個禮拜開始驚到晚晚發惡夢，
曾經發夢醫生係我個肚度攞咗幾個BB出黎，
 嚇到我d汗流到成張牀濕晒，
老公仲以為我穿咗水添！
 
之後有試過夢見我屋企隻貓差d跳樓死，
(好彩我捉住佢對腳咋!)
跟住我就喊醒咗喇...

我亦有夢見過鄰居攞住把刀追住佢老婆黎砍，
真係好得人驚!!!

前幾日夢見BB有4個鼻哥窿...(touch wood!)
嚇到我吖....

近排又成日問Mr Chik Chik生BB會唔會死，
總之就煩到佢癲，
問到佢發脾四啦
之後佢就話大肚婆太得閒，
成日鍾意亂諗野

阿B, 你夜晚踢我就算啦,
求求你唔好再精神虐待我啦，好唔好?

{Week 38} 大肚婆夜麻麻去唱K

踏入第38週，
我開始好緊張BB會隨時出世，
真係好想佢快D出黎，
因為佢踢到我晚晚冇覺好訓，
真係人都癲!

我想用最自然嘅方法迫阿B出黎（即係作動），
諗過一係同老公XX or 同老公打街霸 or 同老公睇鬼片。
如果是但一樣work就好喇，
但都要等Mr Chik Chik出完差返黎先至可以做到

就係呢個禮拜，
我竟然大膽到同班friend去唱K，
打算用我美妙嘅歌聲去迫阿B出黎,
我諗我係唯一一個大肚婆夜麻麻唱K唱到零晨4點!
大家又唱又跳，
連聲都失埋，
阿B都係冇料到，
剩係識得係我肚裏面狂踢~~~
真係吹佢唔帳!

唉...唯有再慢慢等啦....

{Week 37} 產前檢查

第37週
肚圍達到43吋，
我個肚大到就黎爆啦!!!

一如以往，
我去咗私家&政府做regular check up。

QE都冇乜野講，
只係話BB嘅頭已經落咗盤骨，
醫生話我隨時生得


而陳麗燕醫生就話我個肚好大，
唔好再食咁多野....
但我成日都好肚餓，
唔知點算....

兩個禮拜無見BB，
阿B竟然有7磅重喇!
真係好誇張~!
唔通我真係要生個肥B?
好驚生唔出呀!!!

是日試玩：Sony NEX-C3相機

好開心早前受到SONY公關邀請試玩SONY NEX-C3相機，這機會真是來得合時!

因為Mr Chik Chik剛剛在這時候跟我說想要SONY NEX-C3相機作他今年的聖誕禮物，而我之前見都未見過這相機，
當然不會立刻買給他!
現在有機會試玩，
發現這相機相當不錯，
而且還很適合女孩子使用呢!


雖然SONY NEX-C3機身輕巧，
但卻擁有單鏡相機的攝影效果，
1620萬像素，
非常適合隨身攜帶!

雖然沒有觸控螢幕，
但仍可接受。



看! 還有外置閃光燈呢!



而鏡頭亦可隨時轉換


轉換長鏡頭可以zoom得比較遠



相機擁有面孔、微笑偵測，
快捷方便!



以下相片是我用SONY NEX-C3相機裏面的Function而影的，絕無經過Photoshop修飾~!
玩具相機 Toy
(自動黑角效果，真係好正!)

黑白 B&W

過曝 HiKey

普普風 Pop

懷舊 Rto

呢部相機係咪好正呢!?
相信Mr Chik Chik睇到呢篇Blogpost時一定會流晒口水喇~~~

{Week 36} 大肚相曝光!!!

之前提及過9月24日早上我地去咗Joseph Photo度影大肚相，
多謝化妝姐姐幫我化得好自然，
SO GOOD!

今次影相好舒服，
冇乜壓力，
希望簡單是美，務求相片流露出我倆最自然嘅一面。



 影呢張相嘅時候阿B踢得好厲害，
我同Mr Chik Chik都俾佢嚇親呢!




我自己好鐘意呢兩張相，
好有媽媽Feel~!BB即將出世,
好唔捨得佢係我肚入面嘅日子喔~~~


呢d相都係Mr Chik Chik批准咗可以open to public，
而我嘅其他「粿肚」相將會係下一個post公開，
但只限BLOG友only...

{Week 35} Baby Shower [Party Time!!!]

終於都到咗party time喇~!
首先我地當然要戴上預先DIY嘅badges啦!
相關網誌：{Baby Shower} Attires [Badges]



好明顯Mr Chik Chik係度 "Choking"



而我地兩個不約而同地着住紅色情侶裝!

Party開始時我地都好興奮，
我亦特別公開感謝媽咪為我所做嘅一切!









Tissue Pom Pom Decoration真係好靚!
相關網誌：{Baby Shower} Decoration [Pom Pom]





我自己DIY小小嘅note board，
match返成個baby shower嘅主題!



當然....又點少得我最鐘意嘅Candy Jars...



....同埋Love Plates呢!?



Candy Jars放咗Fruit Punch & Snowball Cookies，
Yummy!!!



多謝Daddy幫我預備咗咁多靚靚生果!



Party又點少得Macaroons...

.....同埋Mochi呢!?



多謝BLOG友Asuki幫我整咗好多umbrella tags!
好cutie呀!!!



多謝未來弟婦幫我整咗芒果椰汁糕，
真係超好味呀!!!



Paper Cup with Thank You Sticker出場喇~!
相關網誌：{Baby Shower} Decoration [Paper Cup]







多謝BLOG友抽空出席party，真係好開心!!!

Yummy Food!

呢個鴨仔汽球我都好鐘意!







大會攝影師Bronney，
佢影d相我全部都好鐘意!



呢個超級巨形汽球係咪好型呢!?





多謝場地負責人嘅幫忙，
佢地真係好helpful~!



睇黎我Daddy好鐘意呢個umbrella汽球咁喎!



成班男人唔知講乜講到咁開心!



合照時間~~~





It's a BOY balloon~



大家話我個肚係咪好大呢?



我好鐘意呢兩張梳化，
真係好型呀!



攞住d汽球影相，
心情都開心d~





We love this umbrella balloon!!!



HAHA 好明顯BLOG友小歌莉唔係好捨得d汽球喎~





又到摸肚時間喇~~~~!





呢個Baby Shower真係攪得好成功，
見到個個都玩得咁開心，
唔怪之得阿B呢日係我個肚度不停狂跳啦!









十分期待黎緊攪個大型d嘅百日宴俾BB，
大家到時記得抽空出席喇~!