{率先試著} Jimmi Jamms + Jenna Leigh Lingerie

今日好surprise收到HeHe送黎嘅包裹，
一打開原來係...

WOW!!!
睡衣+性感內衣褲!!!



呢套睡衣包裝好得意，
竟然用個Ice Cream盒裝住喎!

而套睡衣係我最鐘意嘅紫色，
真係好鬼靚呀!

我當然等唔切第一時間著上身啦！
原來呢套係英國優質家居服 - jimmi jamms
勁舒服，100% Cotton真係唔講得少！




都唔明點解model着得咁好睇，
而我就...唉...都係再努力d減肥啦~~

而套性感內衣...

竟然係see through架!!!



原來呢套係美國名牌內衣品牌 - Jenna Liegh d質地好好呀~~~

d花紋仲好靚添！

HAHA 今晚 Mr Chik Chik見到我咁着一定流鼻血啫！

可惜咁性感嘅野我未能着出黎俾大家睇，
大家唯有睇住model先啦！

     

係咪好激呢？哈哈哈哈~~~~
呢d咪叫做情趣law~~~

如果大家有興趣想訂返一套的話，
可以係佢地嘅香港代理度選購：

http://www.facebook.com/HeheherherCompanyLimited


Good Luck!

{朗B 15m} 又病了!

今朝早朗B竟然發燒、流鼻涕、咳，
好似感冒了！
唉.... 又病....

今次我醒目唔再帶佢去法國睇兒科了，
而係去佐敦睇李家仁醫生。

 相信大家對佢並唔陌生，
咪就係唱「小明遊深圳」嗰個醫生law! 
http://siuming.tv

聽講睇佢要等好耐，
好彩今日冇乜人，
等一個鐘左右就OK！

我地一入房，
醫生就叫朗B做「朗哥」，
好攪笑！
佢問得好詳細，
解釋得好清楚，
佢仲話朗B好醒目添！

佢話朗B係一般感冒，
好快會好返，
俾咗一堆藥我地，
盛惠600大元！

如果佢睇得好，
以後都keep住睇佢了!

{N班面試-Part 9} 明我幼兒園

今次interview我唔使再晨早起身準備，
因為明我幼兒園就在我家附近！

可惜今次面試安排非常之差！
首先家長要在門外排隊約一個鐘，
之後入內再要等候見老師和校長，
好似排街証咁好亂好嘈！

老師一開始就問朗B好多問題，
當然佢全部唔識答，
老師就問我佢係咪唔多鐘意講野，
我跟住就串個老師話朗B只係一歲多dd，佢未識講野架！(除咗媽媽, mum mum, 奶奶之外)
點知個老師竟然答我「乜係咩？」
頂佢吖！乜料呀！

之後再見校長，癈嘅！
望咗兩眼就送咗個玩具俾朗B就算了！

我對呢間學校印象極差，
真係送俾我都唔讀呀！

{朗B 15m} 上雜誌做Model

前排「媽媽寶寶」雜誌編輯特登上黎我地屋企，
話想同朗B影少少野登係雜誌度，
其實朗B都唔係第一次做model，
所以佢一d都唔怕羞，
影嘅時候仲好攪笑添！

Keep起本雜誌留個紀念都唔錯喎！

{朗B 15m} 出院了!!!

我同朗B住咗7日醫院，
今日終於出院了！

朗B因為囗腔發炎(感染黃金鏈球菌)而發燒 (之前成口飛滋，勁誇張!)

後來又驗到佢感染咗輪狀病毒，
但佢又冇痾又冇嘔，
加上佢之前明明有食輪狀囗服液，
咁都出事！？

講真法國醫院d醫生係唔係都叫你入院，
又成日拖証，好鬼嬲！
但d姑娘真係好nice，service好好，
值得表揚一下！

好彩呢幾日朗B都好乖，
夜晚好好訓冇扭計，
而婆婆日日都有煮粥仔俾朗B食，
所以我都唔算辛苦了！

同Daddy越洋Tango係每日必做嘅指定動作!

朗B一笑解千愁，
見到佢我就會忘記所有不愉快事！

乖仔，希望你身體健康，唔好再嚇媽咪了！