{2Y4M} Happy 28months Birthday! Muah~*!

朗B，28個月生日快樂！

爸媽永遠愛你！

 

Aidan, happy 28 months birthday!

We love you always!

 

 

第3回合之以後唔想朗B再睇醫生大作戰

搽咗兩日essential oil，

今朝朗B已經冇再咳同流鼻水了，

胃口keep住咁好，

生蜢過你同我，

夜晚仲訓得好好添！

 

好開心唔使再俾$醫生賺lu！

經過今次大作戰之後，

婆婆對essential oil完全改觀。

由佢當初鬧我話我幫BB搽油係低能兼白痴，

佢話感冒係應該睇醫生的！

到依家佢睇到搽油係幾咁work，

佢真係冇野好講，

見到佢依家係咁同工人姐姐講：你記得幫BB搽油呀！

我就覺得好好笑，

我竟然可以軟化一個咁固執嘅老人家！:)

 

 

第2回合之以後唔想朗B再睇醫生大作戰

琴日搽完essential oil之後，

婆婆話朗B今朝已經冇晒鼻水了(好野!!!!!!!!!)，

但有兩聲咳，

工人姐姐繼續keep任幫佢搽essential oil，

希望快d連咳都可以冇晒啦！

 

第1回合之以後唔想朗B再睇醫生大作戰

大家都知朗B之前成日病、成日入院，
幾次入院已經使咗成10萬(好彩有得claim返!)，
但食西藥已經食壞咗佢身體，
令佢越食越病...

朗B琴日開始咳同流鼻水，

所以工人姐姐立即同佢搽幾枝essential oil。

 

今朝婆婆話佢琴晚搽完油之後訓得好好同已經冇乜咳，但仲有鼻水，

所以今日工人姐姐每4個鐘同佢搽一次。

 

依家鼻水少咗好多而且全日都冇咳過，好開心！

呢兩日繼續搽，希望可以快d收晒鼻水啦！

我覺得essential oil好天然，
令我仔唔使再食藥我已經好欣慰了！

 

 

{2Y1M} Aidan is 25 months old!

希望你快高長大，身體健康！

 

Daddy Mommy永遠愛你！

 

 

 

{K1面試-Part 1} Creative Kindergarten

 

Creative有兩間幼稚園，一間有直屬小學，另一間沒有，兩間我們都有申請。

這一間幼稚園環境很好，可惜朗B無緣在這裡返學。

因為他這次面試泡湯了！

 

 

當天朗B走入課室，桌上有很多玩具，
當然亦有他的最愛：玩具車，

當他玩得不亦樂乎的時候，
老師便走過來面試。
 

她問朗B一大堆問題，
朗B不理她，繼續玩他的玩具車。

最後老師拿走了玩具車，
朗B開始發脾氣了！

他將桌上所有玩具掃到地上，再大吵大叫，

老師拿起一個橙和一個蘋果，

問他which is orange，

他便拿了橙丟向老師，

唉...我不能讓他再胡鬧，

向老師道別後便離開了...

希望下一次面試沒有玩具車，
希望他不會再失控就好了！


 

{2Y3W} 魚魚到訪

上星期日，我個未來新袍仔黎我地屋企玩，兩條友個性格好似，乜都爭一餐，好岩玩！

 

{2Y3W} Thomas mini-books set arrived!

朗B自從對Thomas一見鐘情之後，

每逢在書店見到這些Thomas mini-books，

就會頼死不走。

作為媽媽的我，知道他喜歡看書，當然十分高興！

找尋各大書店，終於找到一家最便宜的了！

原價hkd $1999，折後$888。

不騙你，朗B當晚就抱著這堆書睡覺！

{2Y} 朗B返學了！

今日係朗B第一日返N班，朗爸晨咁早就帶佢返學，辛苦哂！

Aidan你大個仔了，記得要老師話呀！

{1Y10M} Great weekend with aidan

轉眼間，Aidan (朗B) 已經22個月大了！

日子過得太快，

真係好唔捨得呀！

8/31 (Sat)

趁Weekend唔使返工，

梗係要帶佢出去玩下啦！

星期六係紅咭日，

我地第一次一家三囗去迪士尼，

以往都只係我同仔仔去咋 >.<"

雖然呢日橫風橫雨，

但我地都玩得好開心呢！

順帶一提，

朗B真係好鍾意玩噴水池，

佢次次黎都唔願走架！=]

9/1 (Sun)

第二日一早我就帶朗B去睇早場，

PLANE真係幾好睇，

朗B好乖可以睇足全場，

叻仔！=]

之後我就同仔仔去咗食All Day Breakfast，

仔仔真係好大食，

竟然可以自己食晒一個餐！

跟住就帶咗佢去行書局同玩具反斗城，

玩到樂而忘返我地先返屋企睡午覺.... 

What a great weekend we had! =]