11月1日 (星期一)
距離大日子仲有一個半月多少少咋!!!
我之前都講過按schedule我10月尾會完成所有婚禮籌備嘅items，
所以今日 (11月1號) 我要慶祝!!!
除咗食咗返一餐勁之外，
又要展開我一連串嘅Beauty計劃喇!!!
每日
結婚前
依家十分祈待大日子嘅來臨!!!
終於到咗最後一步 - 整火潻印
相關閱讀：{Wedding Invitation} Wax Seal 火潻印
我好記得呢一日，
因為果日我由晚上10點整到第二朝11點 (無訓過!!!!
)，
再將逐份入落公文袋，
全部寫上地址，
再拎去郵局買好多郵票一次過寄晒佢，
返屋企果陣已經係晚上6點.....
我已經攰到連姓乜都唔知，
跟住就拿拿聲去訓覺 lu
媽咪當然嬲到上心口啦....
係咁話我痴線.....上晒腦....走火入魔....
Anyway, 唔做都做咗啦!
呢次係我第一次用火潻印，
整咗第一批帖 (一百幾十份...)，
所以用咗好多時間研究，
自己又挑剔，
整得唔好又再重新整過，
直至整到過到自己果關為止...
不過我始終覺得用有芯嘅火潻臘係好用D，
方便隨時可以燒吖嘛
Logo "VA" 非常簡單同易睇!
Fonts就跟返我哋個wedding logo
成果好滿意，但就真係好辛苦....
不過之後整第二同第三批囍帖相對地容易控制好多，
幾粒鐘就攪點晒，YEAH!!!
而我哋張囍帖DIYs亦到此為止，
好開心得到大家嘅讚賞
，
亦都非常感動朋友們話我哋張帖靚到會keep一世
(雖然我唔信，但我鐘意聽)
可能...我就係鍾意追求呢種成功感 & sweet memories，
就好似返工一樣，
雖然有時過程係辛苦咗D，
但我相信到最後付出過的始終都會被 recognized!
所謂敬業樂業，
當然最重要嘅係自己要樂在其中啦!!!
上回講到用絲帶，
今次就講係信封度print名、print label喇!
我本人極之抗拒用手寫 (may be becoz my handwriting is very ugly la)，
所以我就校好屋企部 inkjet printer印D字係個信封度，
好彩印英文字都無化到啫!
我跟足wedding logo用返同一隻font，
而姓名嘅兩旁我就用咗vector去襯托，
出嚟嘅效果好靚呀!!! 
大家可以係google search 圖片 "vector"，
跟住就會有好多俾你揀，
你再 cut and paste 落 MS word 度就可以印到落個信封度喇!
如果俾長輩的話，
姓名前面最好加 Mr. , Miss, or Mrs.
後來我整 Daddy Mommy D帖，
發現印中文字會化....
所以我迫住要用返透明 label 喇.....!
話咁快就攪點晒，
非常簡單快捷!
如果大家公司有laser printer的話，
咁就print乜都得啦，
唔使再晒錢買 label 喇!
本來加完水晶我就以為攪點晒，
點知媽咪話將全部野放晒落個信封度好似散修修咁，
咁即係好似blog友Miss Fat咁講要加絲帶啦....
我哋係張帖度加完水晶之後，
接住就剪我買咗嘅金黄色絲帶喇!!!
OMG~! 剪足300條，打足300個絲帶結!!!
基本上我哋份囍帖有幾個versions:
Alan: 囍帖一張 (婚禮&婚宴、中英對照)、特製利是封+$20、
酒店地圖連shuttle bus timetable
我同Mommy: 囍帖一張 (婚禮&婚宴、中英對照)、特製利是封+$20、
Haagen-Dazs雪糕券、酒店地圖連shuttle bus timetable
Daddy: 囍帖一張 (婚禮&婚宴、中英對照)、特製利是封+$20、美心餅咭、
酒店地圖連shuttle bus timetable、save the date card
如果只係去教堂觀禮，
我哋只會寄 church wedding ceremony invitation postcard
後來.....
OMG.....Mommy竟然幫我打絲帶結打到咁醜樣!!!
為咗唔想佢鬧我，
我又要趁佢訓咗漏夜重新再打過D絲帶結...
點知當佢第二日發現嘅時候，
又俾佢鬧一餐話我太挑剔
我將全部野 (餅咭、地圖...etc) 放晒係張帖嘅後面，
咁當朋友打開嘅時侯第一眼就會睇到張帖而唔係其他野啦
呢個version靚好多...hehe
(再續 invitation DIYs...)
上回講到我哋收到囍帖，
跟住我哋就開始要加工喇!!!
首先我去咗深水埗買咗Swarovski水晶，
揀咗好耐先至揀到兩款合心水嘅sizes，
老闆娘好好見我買咁多就俾咗好多discount我
我亦都買咗專貼水晶嘅膠水
麻麻地好用，
因為佢會不其然流多咗D膠水出嚟....
當然我都買咗呢枝咁好用嘅「萬能筆」啦!
超好用!!!
請用掌聲讚賞我個佬
雖然大部份佢黐嘅都唔靚，
但誠意可嘉!!!
我哋係水晶燈上總共黐咗5粒水晶，
好閃好靚
而我哋係面具上就黐咗2粒水晶，
又grand又靚
我哋係每張囍帖上一共黐咗7粒水晶，
Total 300張囍帖，
所以我哋一共黐咗2100粒水晶
黐咗幾日真係黐到我哋傻傻地呀!!!
無法啦，如果俾vendor黐水晶的話，
每粒水晶要$2，
Total: $2 x 2,100 = $4,200!!!
如果減返買水晶+用具D錢 ($560)，
我哋一共慳咗$3640
今次DIY非常滿意，
好開心好多朋友都好鐘意
Mommy同Daddy更加愛不釋手
INFO:
Swarovski水晶專賣店
Neoglory Jewelry (HK) Limited
Tel: 21519868
Address: G/F, 265Yu Chau Street, Sham Shui Po, Kowloon, Hong Kong
(下回再續 invitation DIYs...)
