{淘寶} 超級無敵購物車

大家都知我係淘寶狂熱份子，
乜都淘餐死

今次我要同大家介紹我嘅最新玩具---
超級無敵購物車！

經過上次自己一個人去BB展攞尿片攞餐死之後，
我決定要買架車仔俾自己

淘寶實在有太多款揀，
Search完一輪之後，
就訂咗呢架購物車，
盛惠 RMB 50！

呢架購物車唔係一架普通車，
佢係可以爬樓梯架!

旁邊仲可以放把雨傘，
好方便！

登....登....登....登....！！！

呢架購物車後面仲有一張櫈可以拉落黎坐添！

你知大肚婆唔企得耐，
有咗呢架車仔真係正，
可以行到邊坐到邊！

過幾年等阿仔大咗D，
帶佢去行街買餸，
有得俾佢坐，
實唔怕佢扭計啦！

而我每次帶呢架車仔出街買野，
就會吸引到一班師奶嘅目光。

琴日我坐住架車仔玩住iphone等巴士，
跟住就有幾個師奶走黎問我架車仔係邊度買，
見到佢地企到咁辛苦，
我就更加肯定我無買錯野！

呢架車仔咁好用，
大家亦可買黎送俾媽咪、奶奶，
佢哋收到實開心死啫！

{Week 24} 每個月入一次醫院

第24週
踏入第6個月，
肚圍竟然有37吋!!!
個肚大到嚇死人!

第一次成兩個禮拜都無寫BLOG，
失咗踪咁耐，
其實我又入咗醫院，
住咗個幾禮拜，
人都癲！

話說我入醫院前一個星期已感覺到心臟不定時咁跳得好快，
每一晚都失眠....
突然有一晚零晨4:00我個心跳得好快之餘，
仲抖唔到氣，
Mr. Chik Chik見狀就即刻送我入QE，
等都唔使等，
醫生Check完後話我要即刻入院....

入咗醫院就係噩夢嘅開始，
晚晚俾D大肚婆尖叫聲嚇到訓唔著...
成日聽到：「好痛呀! 救命呀！」
好似入咗精神病院咁就快精神崩潰，
所以我日日都求醫生快D俾我出院，
住耐D一定有產前抑鬱...

Check完一大輪之後，
醫生話我心臟無問題，
大肚婆心挑加速好正常，
因為BB嘅荷爾蒙影響媽媽喎...
但我甲狀腺素偏底，
情緒容易不隱定，
所以我要食甲狀腺藥喇~
好彩呢種藥對BB無影響，
如果唔係我死都唔會食架!

聽到話無事之後，
我就拿拿聲執埋包伏走人，
直接去陳醫生度做產檢。

呢次係診所等咗2個鐘，
等到Mr Chik Chik發脾四，
做婦科醫生真係好揾!

醫生話BB一切正常、好健康，
當我地睇到3D時，
我忍唔住大嗌：「哇! BB好靚仔呀!」

時間過得好快，


仲3個月阿B就可以同大家say hello喇!

{1218世紀婚宴} Sweet Memories の 回禮小禮物 (Part III)

好多回之前講到回禮小禮物，

講到Part II其實仲有Part III，

對唔住要大家等咁耐添！

相關閱讀：

{1218世紀婚宴} Sweet Memories の 回禮小禮物 (Part I)

{1218世紀婚宴} Sweet Memories の 回禮小禮物 (Part II)

話說當我地請Joseph Photo做我地嘅攝影師時，

已經好buy佢地提供大婚當天嘅即影即有相片服務。

遲遲未揀定用邊一種信封款式嘅我地已將這重任交俾Joseph，

想不到他竟然為咗配合我地個婚宴主題，

特意設計一款俾我地，

真係好match呀~~~

我地大婚當晚才第一次見到呢！

真是受寵若驚啊！

即影即有相片嘅好處：

1) 價錢相宜，好過送朱古力一食就無咗

2) 婚後唔使再煩去晒相

3) 相片有自己的容貌，賓客更加不會輕易把相片丟掉

大婚當晚兄弟們真係唔話得好落力派相，

好抵讚！

{Week 23} 孕婦玩 iphone 要穿防幅射衣!?

被一班姊妹誘迫下，

猜不到我這個Micorsoft人也開始轉用iphone了！

無疑很多人都被iphone的功能深深吸引着，

連電話白痴的媽媽都要求我送她iphone作這年的聖誕禮物；

Mr. Chik Chik每次帶我出街都必定問我有沒有帶iphone，

因為他一有時間就用我的iphone玩遊戲，可惡！


直至最近Mr. Chik Chik要求我玩 iphone 時要穿防幅射衣，

我才慢慢覺得轉用iphone是個錯誤的選擇！

因為他說 iphone 發放出大量幅射會影響BB發育和健康......

Are you serious!?????

每次用電話都要穿？那很麻煩耶！！！


還有.....防幅射衣要到哪裏買呢？

頭都大了！！！

在淘寶裡看到的款式都很奇怪....

而且也不便宜呢！


有孕婦防幅射圍裙：

有孕婦防幅射肚兜：

不知道大家在用iphone的時候有沒有穿防幅射衣呢？

{Week 21} BB照結構...好似睇緊鬼片呀~>0<"

6月18日 - 第21週

Mr. Chik Chik 一早帶了我去尖沙咀為BB照結構，

而謝喜兒醫生是我的婦產科陳麗燕醫生介紹的。

這次的檢查歷時30分鐘有多，

醫生從BB的頭到腳仔細地照一次，

醫生很厲害可以準確告訴我們BB的左右腦、

有幾條血管、邊條血管向上流、邊條血管向下流、

心、肺、腎等等的準確位置、

又幫BB數眼、耳、口、鼻、手指同腳指、

當然大部份時間我和Mr. Chik Chik都唔知醫生講緊乜！


好彩醫生話BB無兔唇，

真係還得神落！

醫生仲話BB好百厭，

手同腳成日陏黎陏去，

一時揸住拳頭，

一時攤大手板，

醫生話BB腦部發展好好先會有此舉動喎！

hehe...可能我D安胎藥發揮緊功效！


不過，當醫生照到BB的雙眼時，

我和Mr. Chik Chik嚇到當場嗌咗出嚟，

真係好似睇緊鬼片咁呀...

照完之後，

醫生即場俾返隻DVD我做留念。

之後播返俾Daddy Mommy睇，

佢哋都俾係BB隻眼嚇親，

仲話：「哇! 照得好清楚呀! 乜依家D科技咁先進嘅？」


因時間關係，

我edit咗一小段影片俾大家慢慢「欣賞」


0:00

1:57

3:51