姊妹一號 - Natalie

今集等我介紹下我啲姊妹兵團俾大家認識先 :

Natalie係我由小學四年級識到依家嘅好朋友 ，佢讀書超勁，同Florence(遲啲會介紹俾大家識)分別係會考度囉28同29分 (very proud of them!!!)，佢係我地成班friend中嘅大姐大，負責約大家出黎食飯攪gatherings。佢呢個人性格十分之好，好鬼顧大家嘅感受，攪到好似成日帶住班小馬騮咁 之前佢去咗英國讀Master (佢果時話唔知返唔返黎)，攪到我周身唔舒服，好似冇咗的野咁，當然就冇人攪gathering la，唉... 佢去英國之前，我已經揚言話要燒咗佢本passport，等佢冇得去當然呢個action到最後亦不了了之。好彩Natalie係讀完一年後決定返香港，當堂個心安樂曬

係呢度要借呢個機會多謝Natalie同Quinny(遲啲會介紹俾大家識)係年初嘅時侯同我用1日嘅時間係尖沙咀睇咗14個場，真係辛苦佢地啦仲有之後嘅奪命追魂call同疲勞轟炸 (當然全部都係結婚啲濕碎野)，攪到Natalie成日話我好煩，哈哈Natalie好少話人煩架，所以大家可想而知我果時有幾咁煩呢 HAHA