又去咗台北 (Pre-wedding Photographer)

上個星期五自己一個飛左去台北揾Alan (其實係佢迫我去join佢可能佢係台灣出差怕悶啦...) Anyway, Alan想我去選pre-wedding photographer。其實我覺得珍琳蘇五個攝影師都差唔多，所以我就叫佢自己揀得架啦，點知佢死都要我特登飛去揀.....

星期五

7:30pm 一落機就飛咗去酒店揾Alan。放低行李後，就同佢啲同事去食港式點心，我最HATE食點心，仲要山長水遠黎都要食點心！？條氣唔順，所以我一的都無食過。Alan見勢色唔對，就同佢啲同事講BYE BYE，拿拿聲帶我去士林夜市食我最鐘意食嘅藥燉排骨。真係超好味呀！！！枉我山長水遠黎揾你呀！！！

一如以往，我又蒲Watsons & 康是美啦！Watsons大減價最終買咗好多護膚品，洗咗千幾蚊港紙，Yeah~!!!收獲豐富，非常滿意！

之後就同咗Alan去玩士林夜市啲games，Alan玩baseball非常屎....一D運動細胞都冇

星期六

一起身已12點....我地去咗雙城街食麵，非常好味！

跟住就去咗中山北路 - 珍琳蘇度揀攝影師。用咗5分鐘就揀咗"黄Sir"啦....突然間覺得呢次黎台灣係多餘嘅....柔柔好好人話可以俾我地租禮服租一個月，方便我地係中、港、台擺酒喎 Yeah!!!

之後當然係我嘅shopping時間啦！每次黎台北一定會黎到台北車站 - 站前地下街度買鞋！次次都會買10對鞋返香港！港幣$75兩對鞋，又點可以唔買呢？

跟住就去咗墊腳石 & 江南大批發度買書、雜誌&聖誕咭，好鬼開心

晚上就同小舅父一家食火煱

9:00pm 吃完之後舅母話要帶我地去睇下台灣擺酒嘅場地 =) 點知去到落車嘅一刻，我地架車上下狂搖，超恐佈!!!!!!!!! 見到啲人一個二個跑到街上面就知道係地震!!!!!!!!! OMGGGG~~~~~震咗30秒，stop咗，大家continue去睇場地.....之後睇新聞，原來花蓮6.8級地震!!!!!!!!! 台北有4.5級，真係震傻我呀~~~~

星期日

食完早餐又要隻身上路飛返香港啦又要再面對church嘅問題啦.....