相信有好多JM都收過我整嘅超級無敵MUA list
裡面有我用兩星期時間晚晚嘔出黎嘅research
百幾個嘅MUA information有齊晒
因為揀化妝師唔同揀攝影師，佢地唔可以逐個見逐個試，所以要揾心水化妝師一啲都唔易。大家有冇唸過其實揀化妝師有咩方法可以一擊即中，慳時間而又唔使亂花試妝費呢?
Step 1 - 憑網上comments & 化妝相片整一個 excel list，將你所有鍾意嘅化妝師資料放晒落去，清清楚楚列明晒佢地啲package 包啲乜, 唔包啲乜, trial試幾個妝, 試幾個頭, 結婚之前有冇second trial, 如即日confirm能否waive trial fee, 如果跟全日plan會唔會中途離開, 當日使唔使claim taxi錢, OT要俾幾多錢, 有冇包首飾,有冇包新郎、伴娘、媽咪、奶奶化妝造型...etc...
當然如果你有我個MUA list的話，你就可以skip咗呢個step
Step2 - 跟住將啲自己唔鐘意嘅化妝師package成個delete咗佢，呢啲化妝師將會係你個list度永遠消失。我個人鍾意啲package包伴娘、媽咪、奶奶化妝造型，所以我一見到啲package冇包呢幾樣就即刻俾我out咗；加上我非常神經質，極度唔鍾意化妝師中途離開 (有啲化完個褂look就離開休息一陣，等到你要化註冊look時再返黎)，所以我一見到啲package話化妝師會中途離開時，亦即時俾我out咗；當然，如果見到啲package over $10K, 我唸都唔使唸，9秒9delete咗佢，化得幾靚都係假
Step3 - 依家你個list剩返啲你鍾意嘅化妝師而你又鍾意佢地啲package喎~ 跟住你就要按化妝style or package喜愛程度排次序。假如你排咗1至20嘅心水化妝師，你就要逐個打電話約試妝。打電話約試妝係唔使錢ga ma，即係我約20個化妝師試妝都得啦
大家都知約咗試妝，化妝師會hold起你個期，即係話同一日big day第二位JM要等你試咗妝唔book喇，佢先至有機會book。所以你可以....星期一約化妝師A, 星期二約化妝師B, 星期三約化妝師C, etc. 雖然我咁樣做有啲衰，但都係PROTECT自己啫
- 星期一試完化妝師A唔掂，你仲有化妝師B & C做後備；相反，如果化妝師A OK的話，你就可以打去同化妝師B & C cancel appointment。大家千祈唔好淨係約一個化妝師試妝，萬一果個化妝師唔掂的話，你之後好難會再約到另一個好嘅化妝師，因為出名嘅化妝師好早俾人約試妝，到時你就要等如果人地唔book，你先至有機會book啦!
Step4 - 約心水化妝師試妝最好預留一星期practice一下自己適合化啲咩妝、set啲咩頭先! 除咗做research之外，esdlife 成日都有化妝師offer免費化妝 or $100 - $200化妝set頭，大家不防約2至3個黎試下。到咗真正心水化妝師試妝當日，相信你已經有經驗，知道自己想要啲乜野，唔鍾意啲乜野，一擊即中，對自己下嘅決定相對亦都會比較堅定D啦!
希望呢啲tips幫到大家啦!
No comments:
Post a Comment