人生轉淚點

聽日係我最後一日返工啦!!!

我相信大家聽到都會好shocking，

其實呢個decision我考慮咗好耐好耐..

係兩個月前決定resign到今日為至我心裡面都成日question自己

"Did I make the right choice?"

 

講真係呢間公司做咗咁耐我由頭到尾都覺得係自己嘅福氣，

完全無唸過做PR，點知亂打亂撞撞咗入嚟呢間咁好嘅大公司，

Alan成日問我點解我間公司咁好福利，

opportunity又多，啲同事又nice，

我要減肥都係因為公司有太多野食啦!!!

食到我好鬼肥 (haha...賴得就賴...)

我真係好唔捨得啲同事，

我係呢幾年真係學識咗好多野，

我好多謝公司俾咗好多機會我去試新野，

講真如果我唔係有第二啲野做，

我係打死都唔會走架

 

大家想知"第二啲野做"即係乜?

我會自己出黎攪生意，

至於係啲咩生意.......大家可以估下

Tips: 我個生意係星期六日有假放架

(答案我要等時機成熟嘅時候再話俾大家知喇)

 

係呢段時間我會有三分一時間跟住Alan周圍飛，

(周圍飛一樣可以寫blog架，依家突然變咗全職寫blog添)

而我亦都接咗幾單freelance wedding planner jobs黎做，

因為我唔想全職做wedding planner，

所以我都唔會做任何推廣，

都係持住"有就有冇就冇"嘅心態去接job。

但係我對接咗嘅每一單job都會付上百份之二百心機去做，

都係果句 "一係唔好做，要做就要做得最好"，

希望你地唔好俾我呢個完美主義者嚇親啦

如果你地想我係你地嘅wedding上出一分力的話，

可以留言，我再send quotation俾你地

 

呢個係人生轉淚點，

好多謝我daddy mommy細佬同alan一路以來咁支持我!!!

 

希望以後我會少啲收到呢啲messages，

可以跟埋Alan一齊周圍飛啦

 

黎緊呢段日子將會忙過返工，

我知道我要付出百份之二百的努力先至會成功

希望大家會支持我啦!!!