無錯~ 我嘅Maid of Honor係男人!!!
唔知大家有無睇過 MADE of HONOR 呢一齣戲?
兩年前係我睇嘅時侯，
好羨慕個新娘身邊有一個非常明白自己嘅男性好朋友，
我記得果時除咗Alan之外，
我嘅best friends就只得一班中學時識嘅女同學
我果時諗....hmmm 如果我嘅maid of honor係男仔就好啦!
hehe 又係果啲反傳统心態啦~~
(當然唔係戲中劇情咁樣伴娘變新郎啦
)
當然，係睇呢齣戲之前我已經答應咗我係美國識嘅韓國best friend揾佢做伴娘，
連張機票都係Alan出錢叫佢特登飛過黎，
所以果時諗 MADE of HONOR 都無乜可能架啦!
直至到幾個月前，
我個韓國friend同我講係我結婚果日佢daddy擺60歲大壽飛唔到黎香港!!!
(佢話韓國人非常重視60歲生日喎)
唉...我當然唔開心啦
但又可以點?
因為我有8個姊妹，每一個都好friend，
真係好難pick一個最好嘅出黎做伴娘!!!
咁橋果排我有幾個朋友結婚，
睇到佢地一個二個都揾妹妹做伴娘，
真係好幸福呀
!!!
我好羨慕有妹妹嘅新娘呀!!!
之後Alan就同我講：「但你有細佬喎!」
eeeeee!!! 係喎~ 點解我無諗過揾細佬做「伴娘」嘅?
跟住我就拿拿臨問細佬可唔可以做我嘅「伴娘」，
佢第一句就問：「乜伴娘唔係一定要係女仔嚟架咩?」
我就話：「傳统上通常係女仔，但唔代表一定要係女仔架ma，
有啲人甚至冇伴娘啦，咪又係咁!」
佢就話：「哦~ 咁我係唔係唔使著裙架?」
我就答：「唔使，但你要攞住花球行教堂!」(有啲驚佢會say no
)
佢就話：「哦~ 咁仲要做啲乜架?」
我就答：「我遲啲俾張list你，你照做得架啦，
好簡單架咋!」(其實一啲都唔簡單)
佢就話：「哦~ 咁好啦!」
真係估唔到我細佬咁快答應咗，YEAH~
係男性朋友當中，除咗Alan之外，細佬就係我第二個best friend!
由細到大，細佬就好似哥哥一樣乜都就晒我
，
其實個結婚蛋榚都係佢出錢送俾我同Alan嘅結婚禮物
多謝細佬，I LOVE YOU!!!
More photos: http://hk.myblog.yahoo.com/wedding-mania/article?mid=547
really so special wor
ReplyDelete真係好呀！
ReplyDelete有個細佬做你「伴娘」.....
哈....你細佬咁好肯答應. 睇得出你地感情應該好好定喇.
ReplyDelete比我細佬實話我 "痴線".
你細佬都幾好喎....可惜我得細妹呀, 佢仲要早嫁過我 XDDDDDDD
ReplyDelete搵細佬做伴娘又真係幾特別喎 ... 好彩我都有個細妹做我既伴娘 ....
ReplyDelete你細佬好好呀~ 兩姊弟的感情好好~
ReplyDelete哈.. 我自己有2個伴娘... 好同意你講，有時好難揀1個做伴娘，所以乾脆2個做哂~
你細佬好SWEET, 唔係個個男人都肯做, 因為總覺得呢個post應該係女仔做. 佢肯答應你, 代表佢真係好錫你囉!!
ReplyDelete我BIG DAY個日,我細佬擔任"送嫁"角色 ,傳統上話怕新娘去到男家會俾人蝦,所以就保護個家姐咁喎!! 我諗佢都算半個伴娘掛,,,哈哈
[版主回覆06/23/2010 22:46:00]eeeee? 乜野係"送嫁"角色?
真係好special woo！你細佬真係好好！我細佬一定唔會理我，哈哈！
ReplyDelete可唔可以話我知你bro maid of honor 要做D咩架? 因為我有個好好朋友, 但佢係男仔頭, 唔會著dress, 我煩左好耐, 如果佢做伴娘, 又唔知佢著乜好, 因為D姊妹會係同款既, 咁你bro會點著呀? 著到好似兄弟咁呀? 希望你可以比D意見我拉.
ReplyDelete你細佬真係好好呀
[版主回覆06/23/2010 22:45:00]佢著西裝，好似伴郎咁 佢要攞住花球入教堂，other than that，同其他兄弟無異
hahahaha.......good~
ReplyDelete[版主回覆06/23/2010 22:41:00]hehe
好幸福呀~
ReplyDelete我無細妹, 又無細佬....更無好 close 嘅 best friend
只有一個就算關心你都只會放係心到嘅 哥哥.
你要珍惜你所擁有的......
哈哈, 真係好特別呀, 搵細佬做伴娘,
ReplyDelete我都係得阿哥同細佬, 冇家姐細妹呀,
如果我上年結婚0個陣搵我細佬做伴娘,
我諗我班親戚一定以為我講笑!!
到最後由於好難取捨三位好友邊個做伴娘,
所以決定有三個伴娘呀,
早知, 真係學你咁, 搵細佬做啦...哈哈!!