自己做嫁女餅!?

琴日post咗免費婚紗相 Ooops.production(只限blog友睇)，

今日又要講返我上個禮拜係台灣嘅事迹啦

話說我見到blog友小藍自己整中式嫁女餅非常厲害，

咁我就同舅母講啦，

點知舅母叫我自己做台式嫁女餅喎!

哇~ 我點識做呀? 唔好玩啦!

舅母話鳳梨酥亦係台灣嫁女餅之一

跟住佢就教咗我做啦

 

 

首先我地預備咗D材料，

我地係菜市場度買咗鳳梨餡料

將佢搓成圓形

Yeah~我有表弟同我一齊整

話咁快整好24個啦

我地將啲材料放晒係一齊

再攪均勻佢

跟住舅母就教我放入D倒模到，之後再放入焗爐

Yeah~ 攪掂啦! 焗完你睇下幾靚!

跟住我地就放佢入呢D小袋仔度

呢個包裝我地係D食材鋪度買架，

1 pack有12個，係咪好靚呢?

將佢摺好

再用同一包裝嘅黄色橡筋"cool"住佢，

攪掂!!!

我地試咗幾個唔同嘅包裝，

再放落個唔要嘅盒度，

大功告成啦!!!

返到香港，媽咪拎咗去俾啲"股友"食，

個個都話好食過去面賣果啲喎!!!

佢地一個二個都叫我快D開鋪頭呀

 

講真我一時間點樣做咁多樣生意先得架，

依家已經忙到嘔電啦....

再做真係唔得掂...

 

不過鳳梨酥又真係幾易整，

等我試下整吓屬於自己嘅嫁女餅先!