{Week 17} 嬤嬤，我地天堂再見喇!

2011年5月22日

八十多歲的嬤嬤突然離我們而去...

 

往日健步如飛的你為何突然跌倒又突然走了，

這一切來得太快我接受不了，

爸爸又不准我這個大肚婆回鄉見你最後一面，

你知道我很掛念你麼？

我還打算BB出世後給你抱一抱呢！

 

多謝你一直這麼疼愛我，

在我小時候你唱的摧眠曲我一直牢牢的記著，

雖然我不明白歌詞 (客家歌)，

但將來我一定會唱給BB聽！

 

多謝你在我每次回鄉時都為我準備熱呼呼的蕃薯，

嬤嬤弄的蕃薯是全世界最好味的食物了！

現在回想起來真懷念...

 

多謝你為了我的胎兒而飼養一堆肥美的雞，

托你的福，BB在我肚裏健康得很呢！

 

多謝你為我準備很多新鮮的雞蛋，

這的確用多多的錢也買不到呢！

 

嬤嬤，我愛你！

我們在天堂再見吧！

 

{Week 16} 尋找他鄉的名醫

不知道為何我陀仔比別人辛苦！

繼種種問題後，

我竟然失眠了！

 

Week 16 整個禮拜每天早上3、4點才能睡著，

幸好我不用上班，

要不然一定「死硬」！

 

之前跟大家介紹過名醫方醫生：

相關閱讀：掉頭髮 II

原來有好多孕婦找他安胎！

 

他自己研製的「鹿胎丸」是全港獨賣，

不孕者食過之後會懷孕，

孕婦食過之後胎兒會變得聰明和健康！

眼見好多名人都服用，

羊群心理，

一於去馬照食！

 

一瓶「鹿胎丸」可以食一個禮拜 HKD$300，

好貴呀!!!!!!!!!!

但為咗阿B，

呢D錢唔慳得！

我一次過買幾瓶有9折，

每個月大約HKD$1,000左右。

 

我服用一個禮拜後，

身體明顯好咗，

面色紅潤，

夜晚好好訓，

不再尿頻和嘔吐了!!!

好開心呀~~~~~~~

 

Doctor info:

方耀博士

地址: 九龍尖沙咀中間道5-6號遠東大厦5樓G室

電話: 2366-3605 / 2367-9867

星期日、星期一及紅日休息

 

P.S. 超多人揾佢睇症，如果大家要睇佢啲話，記住早啲預約啦

 

{Week 15} 第一次聽到BB心跳聲!

孕婦常見6種妊娠不適 (尿頻、嘔吐、便秘、抽筋、水腫、腰痛)，

我已中了頭3樣!

之前親身經歷嚴重的尿頻，真的令我「阿到喊」!

嘔吐不用說，嘔到我暈陀陀!!

而便秘更令我心情煩躁!!!

 

Week 15 我便秘了4天!!!

食大量蔬菜水果亦沒有效

「無屎阿」非常困繞我，

所以第4天晚上我頂唔順叫Mr Chik Chik送我去QE睇急症，

求醫生幫我「放屎」!

 

孕婦每次去QE睇急症都不用等，超正!!!

醫生非常好人，

她首先將胎心機放在我的肚子上聽BB心跳聲，

這是我和Mr Chik Chik第一次聽到BB的心跳聲!

感覺好得意，我和Mr Chik Chik都非常開心!

醫生解釋說BB壓住大腸，

便秘是孕婦常見的問題。

她建議我食Metamucil 水溶性纖維粉：

http://www.metamucil.com/

100% Natural Psyllium Fiber

孕婦可以放心長期食用!

 

現在我每天將纖維粉沖水飲3次，

再沒有便秘的問題出現了!

 

P.S. Metamucil 在各大萬寧及屈臣士有售

 

{不斷更新中} 全港各大BB用品樓上鋪

九龍區

1. 小藍天嬰兒用品專門店 ＜佐敦彌敦道225號明珠廣場2樓204室－佐敦地鐵站C1出口＞ http://littleblue.ueuo.com/


2. 護協辦事處 ＜佐敦白加士街25-27號慶雲商業大廈三樓＞ http://www.nurse.org.hk/c09_index.htm (出示 "惠氏卡" 或 "雀巢卡" 就可以上護協買野)


3. City Baby ＜油麻地＞ http://www.citybaby.com.hk/


4. SmartBoBo ＜旺角＞ http://www.smartboboshop.com/


5. B&M ＜旺角＞ http://bnm.com.hk/


6. Baby Outlet ＜旺角＞ http://www.mamabebe.com.hk/


7. Baby Super ＜旺角彌敦道565-567號銀座9樓901室＞


8. BB Asia HealthCare Product ＜旺角彌敦道 655號 20樓 04 室＞


9. 新華嬰兒用品中心 ＜旺角亞皆老街2C號啟如商業大廈1字樓及2字樓－旺角地鐵站C4出口＞


10. 康妍 BB Care ＜太子＞ http://web.bbcare.hk/

 

{Week 14} 媽媽會BB贈品

上次提及過參加媽媽會，

各大廠商相繼寄贈品到我家，

有些更在BB展即場贈送的呢！

相關閱讀：{不斷更新中} 全港各大BB會/媽咪會

 

 

{Week 13} 忍唔到手，最終買咗...

其實係未知BB性別之前，

我已經成日同媽咪行街睇BB衫，

所以一早已買落30多件〈 0至1歲〉嘅衫仔/褲仔

 

好彩我買嘅BB衫都好中性，

全部都好適合我個仔著

(除咗包被之外 ----> 吉之島大減價4折，只剩一件粉紅色，

媽咪話顏色無所謂，所以我就拿拿聲買咗先！)

 

大部份BB衫我都係吉之島度買，

貪其質地好 + 大減價超平，

大家不防到吉之島碰碰運氣，

特價區d BB衫真係又平又靚架！

 

其次我會到旺角花園街格下價，

果度d BB衫唔算特別平，

但勝在乜都有，

花款樣樣齊，

一定平過吉之島無減價嘅時候。

 

唔知大家又會去邊度買BB衫呢？

 

{Parenting} 一個令小寶寶不會哭的方法

唔知係咪真係work呢?

 

{不斷更新中} 全港各大BB會/媽咪會

如果大家知道有了小寶寶後，

我建議大家參加各大BB會/媽咪會享盡數不完的優惠

 

1. 美贊臣 (Meadjohnson) http://www.meadjohnson.com.hk


2. 雀巢 (Nestle) http://www.nestle.com.hk


3. 雪印 (Snowbrand) http://www.snowbrand.com.hk


4. 惠氏 (Wyeth) https://www.wyethbb.com.hk


5. 雅培 (Abbott) https://www.abbottbaby.com.hk


6. 牛欄牌 (Cow & Gate) http://www.cowandgate.com.hk


7. 美素佳兒 (Friso) http://www.friso.com.hk


8. 卡洛塔妮 (Karihome) http://www.karihome.com.hk


9. 智晴叻 (Smart Fish) http://www.smartfish.com.hk


10. 亨氏 (Heinz) http://www.heinz.com.hk


11. 菲比紙尿片 (FITTI) http://cn.fitti.com/HK


12. 哈囉寶貝 (Hello Baby) http://www.ihellobaby.com


13. 健力氏皇牌 (Huggies) http://www.hk.huggies.com


14. 幫寶適 (Pampers) http://www.pampers.com.hk


15. 寶寶嬰兒紙尿褲 (Pet Pet) http://cn.petpetdiapers.com/HK


16. 媽咪寶寶天地 (Mami Babyland) http://www.mamibabyland.com


17. 強生 (Johnson's Baby) http://www.johnsonsbaby.com.hk
    

{Week 16} 孕婦瑜珈 Prenatal Yoga

為咗兔BB，

我很早已經決定陀滿3個月後開始做產前瑜珈。

一來到時可以容易D生，

二來可以減輕所有孕婦症狀 (i.e. 抽筋、腰痛、腳腫...)

 

經過一輪research後，

我發硯有以下3間提供產前瑜珈：

 

FitHealth

地點：銅鑼灣

收費：1個月無限課堂$980

http://www.fithealth.com.hk/ct/sport_course-set_a.php

 

MyoFix

地點：荃灣

收費：每堂$150

註：丈夫可以陪同上課

http://www.myofix.com.hk/chi/course.php?id=5

 

Pure Yoga

地點：旺角朗豪坊、尖沙咀半島酒店、中環、銅鑼灣、太古坊

收費：1個月6堂 $915 或 1個月無限課堂$1,018 + 入會費$499

註：大家可以先試玩一堂(免費！)才考慮Join定唔Join

http://www.pure-yoga.com/promotion

 

結果我試玩一堂後就join咗Pure Yoga！

因為我既可以去朗豪坊 (近屋企)，

又可以半島酒店對住個無敵大海景做Yoga，

諗起真係爽呀！

 

唔知大家有無興趣呢?

 

{Parenting} 恐佈的小學派位制度...

繼上次揾完D名牌幼稚園之後，

相關閱讀：{Parenting} 仔仔讀邊一間幼稚園好呢?

呢幾日我都諗緊自已屋企屬於邊一個小學校網...

校網一覽表：

http://www.edb.gov.hk/index.aspx?nodeID=1505&langno=2

or call this number to find out: 2832 7700

 

今日去完Baby Kingdom洗版之後，

先知道原來香港人真係好瘋癲！

 

小一入學原來有計分制：

據我所知：

如果想讀天主教/基督教名牌小學的話，

小朋友有25分或以上---> 入硬第一志願

有20分 ---> 有機會入第一志願

15分或以下 ---> 0%入第一志願(名校)，要揾定第二or第三志願(屋邨小學)

 

我想仔仔讀天主教小學，

好彩佢有20分 (首名出生子女 + 相同宗教 + 適齡)，

即係話佢都有機會入名校 (i.e.喇沙、油天...)

最好就入喇沙小學啦，

因為之後可以一條龍入喇沙中學，

唔使再煩再揾過

 

小一入學有兩個round－

1st round：自行分配學位 (只計分，唔會理你住邊)，

呢一round小朋友有25分或以上一定收硬，

之後有剩餘學位就抽籤收20分果D小朋友。

 

2nd round：分Part A & Part B

Part A：再抽籤收剩餘20分果D小朋友 (呢part只計分，唔會理你住邊)

Part B：再抽籤收剩餘20分or 15分或以下果D小朋友 (呢part只計你所屬校網)

 

而1st & 2nd round 都入唔到理想小學的話，

家長就要到學校「叩門」，

既要交推篤信，又要交profolio，

真係仲難過考大學....

 

其實我最慶幸的是仔仔唔係龍年出世，

如果唔係D學位一定爭餐死！

 

生BB真係有好多野要煩，

諗諗下都係生一個算喇~~~

 

{Week 12} 孕婦護膚品

多數孕婦在2個多月開始塗妊娠紋膏，

當然我亦不例外買了人生第一set妊娠紋膏！

 

卓悅正在做 promotion $317一set，

我的肚子這麼大，

現在用最適合不過了！

 

有時候Mr. Chik Chik還親自幫我塗呢！

 

有很多護膚品孕婦都不能用，

而我就選擇了 Fancl House。

這是我在日本地震前買的，

為的是它的「無添加」！

絕不含防腐劑、剎菌劑、石油系界面活性劑、香料及礦物油，

Fancl House當然是孕婦的第一選擇!

http://www.fancl-hk.com/

{Week 11} 第一次產檢 + 照OSCAR @QE

4月9日

 

這天是我第一次到伊利沙伯醫院 (QE) 做產檢，

我和Mr. Chik Chik早上8時多到達，

見到只有小貓三四隻，

不用等太久，

心裏開心得很呢！

 

磅重過後，

很快便輪到我看助產士。

她人非常NICE，

問了我們一大堆問題後 i.e. 家庭疾病背景，

便帶我去抽血。

WOW!!!

我總共抽了7次血，

次次抽血都不痛，

為何今次會這麼痛？

 

之後我們等了一陣子便立刻做OSCAR TEST。

OSCAR TEST = 唐氏綜合症驗查

在政府醫院做OSCAR TEST是免費的

而在私家診所做最少要 HKD$1,000+

這次是我第二次照超聲波，

亦是我們第一次見到BB的手手腳腳!!!

醫生好NICE、好細心透過照超聲波幫BB度頸皮，

直到醫生說BB好正常我們才鬆一口氣！

 

總括而言：

QE真的不錯，

的確是我明智之選！

 

{Week 9} 台灣行之驚魂記

聽人講話大肚婆千祈唔好坐飛機，

但我地就偏偏逆天而行，

結果就.....「high晒野」喇~

 

3月24 - 27日

係我地未知有BB之前，

Mr. Chik Chik一早買咗機票諗住帶埋奶奶返台灣玩，

點知3月頭發現有BB之後，

我哋立刻取消去日本渡蜜月，

但佢死都唔肯取消去台灣，

因為我地都係去探親戚，

所以佢話唔會周圍去玩喎....

 

基本上我去台灣果幾日都冇乜點訓過...

加上又尿頻，

真係攰到痴孖筋！

我地真係好黑仔，

係離開台灣嘅前一日遇上地震，

將原本係屋內訓緊覺嘅我震醒，

之後驚到我同奶奶成晚訓唔著！

 

本來以為惡夢已過，

點知好戲在後頭...

 

我同Mr. Chik Chik一向坐飛機只會坐國泰，

只因貪佢夠安全。

點知呢次回程坐Business Class，

D位係斜埋一邊，

超唔舒服不特止，

仲要降落時勁大力chok一chok，

chok到我個肚好痛!!!

 

落機後，

Mr Chik Chik同奶奶就即刻帶我去QE睇急症...

我果時剩係識得喊，

勁驚BB會離開我，

奶奶就當堂鬧到Mr Chik Chik「扒街」!!! (It's all his fault)

總之我哋3個果晚就驚餐懵，

而我就訓咗一晚醫院，

最緊要大人同BB都平安無事~