之前提及過陳醫生非常好，
相關關讀：{Week 7} 人生第一次睇產檢
所以我地決定繼續「幫襯佢」
今天是我第二次睇產檢，
陀BB差不多快4個月了，
這次應該可以知道BB是男或是女了吧！
其實直覺告訴我這次應該是懷女嬰，
因為我皮膚和面色比之前漂亮得多！
我的確是比較喜歡BB女，
但見過Mr.Chik Chik的BLOG友都應該知道他「恨仔恨到出面」！
連奶奶都說仔女都無所謂，
而他亦有一個弟弟，
我真的不明白他為什麼這麼執著一定要兔仔！
我很擔心如果這胎是女嬰他會不高興，
所以這次產檢我並沒有告訴他
可能太過緊張，
所以今朝一大清早就起床了。
趁Mr. Chik Chik上班後，
我便急急腳去診所。
途中接到媽咪的電話，
她第一句就問：
「點呀? 係公定乸呀?」
做乜將我嘅BB比喻成畜牲???
真係俾佢激到暈law....
今天如常診所坐滿了孕婦，
等了又等，終於到我喇!
一訓落床我就「等唔切」問陳醫生BB係仔定女，
陳醫生真係「爆NICE」!!!
又度呢度，又度果度，
勁仔細幫我睇!
突然........
陳：我睇到喇! 係仔嚟架! 你睇下條JJ幾大條!!!
我：吓! 係咪真架!?
我皮膚靚咗好多，應該會生女架喎!
陳：照咁樣睇，一定係仔喇!
我：醫生! 你唔好坤我喎! 你係咪100%肯定先? 我驚最後唔係仔，我會俾我老公鬧死架!
陳：以你嘅週數14weeks5days嚟睇，我都可以7、8成肯定啦! 等BB再大DD就可以100%肯定喇! 不過如果我唔肯定，我都唔會話你知啦!
我：咁又係，醫生你咁有經驗，我應該信你嘅...
之後我就打電話給Mr. Chik Chik，
告訴他我知道BB的性別了，
但我不會告訴他的!
但他不繼哀求我：「老婆，我求下你話俾我知啦!!!」
哈哈! 聽佢咁求我，我個心好爽呀!!!
當他知道是仔仔後，
就像傻佬一樣不斷在電話裏狂笑....
哇...真係好賤! 最憎D人重男輕女!!!
睇返圖片，
真係巨B一名!!!
不過醫生話BB好健康，
而我亦都唔使減肥，
好開心呀!!!
哈哈，唔知大家睇唔睇到BB嘅「小JJ」呢?
No comments:
Post a Comment