德國百靈牌溫度計

今次我要同大家介紹我嘅新玩具 -  德國百靈牌溫度計，相信大家應該好熟悉呢個牌子！自從朗B出世後，我都會將溫度計帶在身邊，以防萬一！我見每一間醫院嘅溫度計都用呢個牌子，相信應該唔錯！

每次使用溫度計都要用配有嘅耳套，並要每次更新，因為佢會直接影響量度溫度計嘅準確度！我見吉之島都有呢d耳套賣，$50兩盒。

帶上耳套後，按一下「 I/O mem」，就可以開始使用！

之後對準耳仔，再按 Start，見到綠色燈光就可以了，快捷方便！

36.3C，正常，37.8C以上就算係發燒了！


這溫度計都算方便，簡單，準確！的確係每個家庭必備之選！