雖然我係非常想去東北角(有得影海邊+岩石層)
，
但大家睇返上一個post都知道Alan有幾唔想去東北角啦
，
黃sir話如果我地繼續去東北角的話，
佢地就要問公司攞1星期假係屋企養病喎
!!!
加上我地影完菁桐之後，真係凍到連最後半條人命都冇埋.....
基於我地唔想死係東北角，我地於是返回內棚度影相啦
第四站: 東北角－> 珍琳蘇(內棚)
我地返到珍琳蘇之後，我地就休息咗成個鐘有多(真係全身散晒
...)
之後秀惠老師就問我想要啲乜野造型，
青春、活潑、可愛、清純、典雅、華麗、高貴、迷人嘅造型我都試過晒啦，
真係唔想再重覆呀
!!!!
跟住我就同佢講：「我要做性感小野貓!!!!!!!!!!!」
秀惠老師就即刻話好! 哈哈! 我又要變身啦!!!!!!!!!
我之後就換咗最後一件(第八套)嘅銀色超性感DEEP V露背晚裝啦
!!!!
好彩我有減肥咋
，如果唔係我一定着唔到條裙!!!
我依家又回復返我之前嘅身材啦~* 足足減咗15磅 (Yeah~* 98磅now 
!!!)
大家係唔係覺得黃sir幫我影咗好多獨照呢?
Alan非常之唔底得就同黃sir投訴點解剩係影我唔影佢喎!!!
跟住黃sir就還佢心願幫佢影幾張獨照
睇落都幾型仔吖
我個性感小野貓造型係咪好似米雪呢??? 哈哈!!!!
黃sir話無一個香港新娘咁夠膽着呢啲咁性感嘅晚裝喎，而我係佢嘅第一個
!!!
YEAH~*又做咗一樣人地唔會做嘅野啦!!!!
我好鐘意呢一張相，黃sir幫我影得好性感呀
秀惠老師幫我狂谷胸，搞到我個胸超級勁大呀!!!!
我扮成熟啲，就同Alan好鬼襯啦!!!!!!
黃sir話我個胸咁大好似艶舞女郎，佢仲話我超性感添!!!!!
講到我不知幾開心!!!!
但Alan話：「我覺得你似舞女多啲啫!」
跟住我就問佢：「咁你覺得呢個舞女索唔索? 正唔正呀?
你依家係唔係tab緊我糖先
?」
Alan就答：「非常索! 好鬼正呀!!! tab哂糖lu~*」
跟住我就話：「咁就得啦! 你話吖，又索又正嘅老婆係邊度揾先得架? 哈哈!」
呢一張相好挑逗，真係超性感呀!!!!!!!!!
媽咪話我有佢上當年嘅風姿喎~*
呢一張好sweet呀
大家覺唔覺得我高咗呢? 哈哈!!!
話說黃sir突然叫阿泓攞張櫈黎，我問佢張櫈要黎做乜野，佢話有人太矮要企上去，跟住我就用好兇恨嘅眼神望住佢，然後問佢呢個矮人係邊個....
黃sir答我話：「我是不會告訴你的，因為我不想給那個矮人打
...」
跟住我就問佢：「你是不是欠揍呀?...」
黃sir真係好風趣呀!!! 哈哈~*
呢張相我地唸住攞黎做簽名絹 or 簽名poster
總結:
呢兩日婚紗攝影真係過得好精彩，好充實呀!!!!!!!!!
我地隊crew真係無得彈
!!!! We seriously couldn't ask for more!!!
非常多謝我嘅sales柔柔，攝影師黄sir，燈光師阿泓，
化妝師秀惠老師and 造型師小清!!!!!!!!
無咗你地，我地都唔會有呢啲鬼火咁靚嘅婚紗相
我地真係非常非常鐘意所有婚紗相呀!!!!!!!!
而我同Alan經過今次"超棒"的經驗之後，
我地嘅感情變得更加深厚，更加懂得關心和體諒對方
We are so looking forward to our next series of
HK pre-wedding photo shooting next week!!!
(明天再續....婚紗相"後記")
No comments:
Post a Comment