台北婚紗照之旅 - 第三天 [Part I] (未經修改嘅照片)

4月2日(星期五)

今日係影婚紗相嘅第二日!

細舅父因為昨天幫我地開車開咗成日好攰，

今日決定罷工改由細舅母揸車 

細舅母話今日天氣會好凍，亦會落大雨，唉....

天氣唔好都無辦法，因為最近天氣成日變，今日天氣唔好唔代表聽日會好架嘛

我地唯有頂硬上啦....

吸取昨天嘅經驗，今日帶少好多野，

早知就唔使咁緊張乜都帶黎台灣啦

 

我地今朝比昨天早到，

因為今日行程緊密，朝早6點9已經到咗珍琳蘇化妝set頭啦 

今日秀惠老師幫我用lace set咗個好可愛嘅頭，

再加上換咗第五套 - 黑色lace白色婚紗，

Alan就一味係度話"我老婆好可愛活潑呀" hehe...

以下係我化妝時嘅making of (taken by Alan) 

 

今日由細舅母揸車，行程路線係:

台北101 (LOVE 雕像) -> 夢湖 -> 菁桐 -> 東北角

同行有攝影師黄sir，燈光師阿泓 and 造型師小清

 

第一站:台北101 (LOVE pop art sculpture)

大家係唔係覺得呢個標誌好熟面口呢? 因為係全球好多地方都有呢個雕像 

This love sculpture is created by an American artist, Robert Indiana.

Sculptures of this LOVE image can be found at many places in the United States,

and also many other countries as well

(i.e. Taipei, Japan, Sinapore, Spain, Canada and Portugal)

@ Taipei 101

 

係讀大學嘅時候，自己一條友去咗New York City兩個禮拜，

係Sixth Avenue 見到個LOVE sculpture時，

就好希望可以將來可以同另一半係度影婚紗相!!!

但係旅途遙遠，特登飛去NY影婚紗相好似唔係好可行...

當我知道台北101亦都有呢個LOVE sculpture時，

心情真係極度興奮呀!!!!!!!!!!!!!!!!

我從果一刻就發誓一定要黎台北影呢個咁靚嘅sculpture!!!!!

如今如夢以嘗，真係好開心，好開心呀!!!!!!

@Sixth Avenue, NYC 

Indiana's best known image is the word love in upper-case letters, arranged in a square with a tilted letter O. This image was first created for a Christmas card for the Museum of Modern Art in 1964. It was put on an eight-cent US Postal Service postage stamp in 1973, the first of their regular series of "love stamps."

 

請大家開住呢個music video黎睇以下嘅相~*

"It's just....LOVE"

愛的見証 好浪漫呀!!!! 

我相信所有曾經係度影相嘅新人從此會過得好幸福快樂

 

今日同昨日嘅氣温差成20度，

今日十級大風，

凍到我啲牙係咁震，

震到我個頭好鬼痛，

但我同自己講 "I can make it!!! 有今生無來世!

我一定要笑，仲要笑得好開心果隻!!!"

你哋睇下我條裙飛黎飛去，我都已經無乜心情再理條裙啦，

只係希望唔好影影下暈咗就好啦 

黃sir話 "你現在就冷成這樣，等一下上山一定會冷死你!"

(佢咁講意味住....好戲在後頭....)

我好鐘意呢張深情之吻相呀!!!!!

We LOVE this scuplture SO MUCH!!!!!!!!!

呢一張係因為太大風，搞到我企唔穩，就黎跌果下Alan黎抱住我!

佢話 ："你小心唔好仆低呀!!!"

我之後就話 ："你仆我都未仆啦! 傻佬!!!"

你地睇下佢嘅表情幾攪笑 "O晒嘴!!!!!" 

最後擺咗個好型啲嘅姿勢，就拿拿臨跳返上車度啦

 

第二站:夢湖

夢湖呢個地方令我地永世難忘，因為我地差啲係度無咗條命....

 

離開台北101, 我地經過好多山路，終於到咗 my dream place 夢湖 

當我地落車時，我就知道我地呢輯相將會遇到重重困難

氣温只得幾度、

非常極級大風、

落住好大嘅雨、

我地仲差啲跌落湖裡面....

大家睇咗以下啲making of videos就會明白我講緊乜

(making of video .... by 小清)

我地好佩服黄sir嘅工作態度，攪到佢成身濕晒真係好唔好思呀....

好彩Alan都好合作，係呢個時候仲笑得出黎 

呢個鞦韆有啲唔穩，我差一啲就跌落湖啦，好彩果時有黄sir拉住我咋

黄sir好厲害 落咁大雨都影到我咁靚

呢張相一啲都feel唔到天氣有幾咁差

阿泓仲話未遇過一個新娘可以係咁惡劣的環境下仲笑得咁sweet喎

呢個木竹棚好危險，一啲都唔穩呀!!! 我地又差一啲跌落湖啦

竹與竹之間啲隆好大，我隻高跟鞋有幾次叉咗落去攞唔返出黎

好彩我地仲笑得出啫 真係要靚唔要命!!!

Okay 呢張相我一定要講! 呢張相係我求黄sir影嘅

我首先爬出去個木竹棚，然後轉身訓係度，任憑啲大雨係咁揼落我身上面....

黄sir話我 "這新娘子開始瘋掉了....." ，

阿泓話我非常勇敢

Alan 話 "老婆，唔好影了，快啲返上黎啦!"

跟住我就大叫 "我feel到我就黎俾啲雨揼死啦!

黄sir，你影好味呀? 影多幾張以防萬一呀!

你就由我慢慢係度死算啦..."

舅母剛巧見到，就開始話我神經病啦.....

 

 

返上岸之後，小清就拿拿臨幫我換第六套 - 粉紅色大拖尾長裙

真係好靚呀!!!! 我最鐘意就係粉紅色架啦

但係啲雨越落越大，我同Alan就由頭濕到落底褲

但係無辦法啦，唯有頂硬上!!!

之後見到其他幾pair新人都唔影，竟然全都走晒!!!

難道我地倆個真係癲嘅??????????

 

(making of video .... by 小清)

你地睇下我特登帶嘅粉紅色lace雨傘幾襯我條裙!!!!

LOVE LOVE LOVE!!!!

 

Alan表情好誇張呀~* 其實都幾可愛吖

黃sir好鬼咸濕架，成日都叫我 "廷胸! 我要看到你的胸部!!!"

夠啦! 我就黎迫爆我條裙啦! 仲廷? 咁凍嘅天氣好自然會縮胸架喎!!!

好surprise黄sir竟然可以影到天氣咁好!!! 睇到我地好似好enjoy咁!!!

(其實我地果時真係俾啲雨揼得好辛苦呀!!!)

呢張好romantic呀!!!!! 但係好明顯睇到Alan係到苦笑...

佢話啲雨整到佢隻眼好痛張唔開喎....

好鍾意呢張相，好sweet呀~

我心底裡仍然好開心可以黎到夢湖影相~*

一齊大叫YEAH!!!!!!

哇! 要坐係呢度影相真難!!!

我要着住高跟鞋抱住我條十磅重嘅拖尾

(因為成條裙濕晒，所以超重!!!)

行5-10分鐘難泥先至可以黎到呢一度咋!!!

Alan戴住個空眼鏡框，睇唔到路不特止，

行難泥時仲差啲跌落湖裡面....

仍然下雨中......我地啲頭髮已經濕晒lu.....

一唸到 "有今生無來世" 呢一句，我地啲笑容又返返黎啦

好好好鐘意呢幾張雨中浪漫相呀!!!!! 黃sir影得好有mood呀!!!

我記得Alan講咗句 : "老婆! 我好辛苦呀!"

我話 : "才! 乜係咁嘅時候講呢啲野呀!你應該講老婆我好愛你!"

Alan話 : "OKAY! 老婆我好愛你! 但係我隻眼好痛呀!"

我話 : "你合上眼晴啦! 橫掂都唔覺你有張開過!"

老公唔聽話要搣耳仔呀!!!!!!!!!!!

我條裙真係好靚好長呀~~~

Sweet Sweet

臨走前要黎個深情一吻先

今次真係有驚有險，不過好彩到最後都無事!!!

呢次經驗永遠都會留係我地倆個嘅心底裡remind我地以後都要好好咁珍惜對方

(明天再續....)